(排名不分先後)
Janice Lo
佢係一名 BPS 0既學生，係我0既 Best Friend。我0地由四年級識到而家。雖然大家唔同學校，但感情好好，好投契，可以傾電話傾成 3 個鐘，奇跡地未嗌過交。有乜0野事搵佢傾，佢都好樂意、好耐心咁聽，好玩得，係Janet Hui0既忠實 Fans，兼且好叻：識吹oboe，打籃球好掂，踩 roller (speed) 好勁，係港隊成員，跑步好快（雖然成日都PK.........!）。雖然未必再可以見到佢，但仍有書信來往及〝電話交流〞。在此同佢講一聲：「有緣千里能相會，我0地將來一定會再見面！！！」
Stephanie Chan
又名〝陳農場〞， 簡稱〝農場〞。或者係因為「同名三分親」0拉！我同佢有好多共同話題（尤其是講人！！），所以好好傾。我0地又成日一齊遊校園、去搵人、去行街、睇戲、唱 k ........ 總之成日0係埋一齊，病又一齊，早退又一齊，於是俾郭某人話我0地成日「痴」埋一齊，又俾 Carmen Mak 話我0地「形影不離」......竟然係咁？！不過其實我0地原來幼稚園0個時已經識，但直到今年我0地兩個個媽咪話番俾我0地聽，我0地先知，但可惜，當年發生過0既事已經忘記得一乾二淨。
Alice Tong
亦名：安妮芊"葇"，花名：安妮邑。我0既太賢侄，亦係令狐沖師侄0既徒弟安妮他（Irina）0既家姐，成日叫自己做〝楊過之妻〞，傻婆一名，鐘意用文言文寫信。愛楊過同阿賓愛到發晒狂，成日叫小龍女做「死賤人」，又話楊過其實唔鐘意小龍女，係小龍女勾引佢，迫佢鐘意佢，又話楊過由始至終都只係深深愛住佢…二奶…Alice Tong一個，從未變過心。又俾 Diana Poon 迫佢做阿賓0既二奶，成日俾Diana Poon 呢個大婆騎住，但計我話應該兩個都咁大，唔分大細，但佢唔知點解而家又話：「我如果鐘意BT（Bonnie Tam）就BT（Bad Taste）！」。唉！！總之一世「二奶」命，可憐可憐！！
Nicole Kwok
呢個就係話我同Stephanie Chan成日痴埋一齊0既「郭某人」，超勁，舊年 Eng. Lit. 第一，今年英文第四。雖然佢讀書好叻，但係佢好搞笑，一0的都唔正經，最搞笑0既係佢寸0的男仔0個時，For Example: Saltimbanco同埋死肥仔，不過佢有時就反應過激。佢亦都係同我書信往來得最密0既朋友，因為佢成日即日回信，寫死我噤濟，但我諗如果唔係一齊番 B.C. ，我0地都唔會咁熟。雖然佢成日同Shirley、Lynette一齊玩我、諷刺我，但我唔會 mind 0既，我咁大方，係咪??（笑）所以唔使擔心，放馬過0黎啦！！
Maggie Yu
佢係黃藥師繼程瑛及其六個弟子之後0既徒弟，即排行第八，名為程風，因為與程瑛結義金蘭，所以亦都跟0左佢姓，亦都因為噤，於是佢叫埋楊過做阿哥，換言之，Alice Tong 就係佢阿嫂，所以佢亦係我0既賢侄。佢熱愛Percussion同金庸0既作品，竟然將金庸十四個故事都睇過晒，更創下一日睇完一本0既不敗紀錄，令我心感佩服，佢亦都好鐘意用文言文0黎寫信，而且好巧合地，佢成日同我有共同嚐好，但而家唔係 lu。
[第二頁] [回主頁]